Ўйин ҳақида

Қизиқарли ўйин бўлди, мухлислар мазза қилишди. Бу "Бухоро"нинг Кубокдаги биринчи уч очкоси. Суперлига жамоасини мағлуб этишга қодирмиз. Бироқ вазият яртиб, ундан фойдалана олмаяпмиз. Биринчи бўлимда ўйин тақдирини ҳал қилишимиз керак эди. Майдон сифати жуда ёмон. Мен чимни назарда тутяпман. Бизнинг ва сизнинг футболчилар оёғини қайириб олишди. Қандай қилиб бундай майдонда ўйнашга рухсат беришяпти?

Бугун омад "Бухоро" томонда бўлди. Ҳакамлар ҳам сиз томонга ён босгандек бўлди. Тўп жарима майдончаси ичида қўлга тегди, рақиб футболчиси бутсасини таг қисми билан чиқиб келди. Ҳакам керакли реакцияни кўрсатмади. "Бухоро" клуби мухлисларини табриклайман.

- "Локомотив"нинг Ўзбекистон Кубогидаги мақсади қандай?

- Дастлаб, гуруҳ босқичини муваффақиятли якунлаш. Ҳар бир учрашувда ғалаба учун майдонга чиқамиз.

- Пролига ва Суперлига жамоалар ўртасидаги фарқ қандайлигини айтиб бера оласизми?

- Сиз бундай фарқни кўрдингизми? Биз совринлар учун курашадиган Суперлига клубига муносиб қаршилик кўрсатдик. Аммо вазиятларимиздан фойдалана олмадик. Тўғри, Суперлигада тезроқ ўйнашади ва кураш кўпроқ. Пролигада эса жамоалар ёш йигитлардан таркиб топган. Маҳорат камлик қилди деган бўлардим.

Григорий Колосовский: "Суперлига жамоасини мағлуб этишга қодирмиз"