"Ливерпуль" "Арсенал"дан 2:3 ҳисобида мағлуб бўлганидан кейин яна бир бор диққат марказига тушди. "Қизиллар" бир қанча вақтдан буён яхши ўйин кўрсата олмаётгани боис сўроқларга дучор бўлаётган эди. Клуб атрофидаги ташвишлар ортиб бормоқда.
Мерсисайд клуби АПЛнинг 8 туридан кейин турнир жадвалининг 10 поғонасини эгаллаб турибди. Жамоа сўнгги уч ўйинда ғалаба қозона олмади. Англия чемпионатида "Ливерпуль" ҳали меҳмондаги ўйинларда уч очко ола билмади.
Жамоа устози Юрген Клопп бошқарувидаги 7 йилда клуб эришиши мумкин бўлган барча совринларни қўлга киритди. Бироқ "Ливерпуль" собиқ ўйинчиси Дитмар Ҳаманн бу ҳам мутахассиснинг истеъфосига тўсиқ бўла олмаслигини маълум қилди:
"Ливерпул"даги ҳолат бошқа жамоаларникидан фарқ қилмайди. Натижа бўлавермаса, қайсидир босқичга келиб мураббий босим остида қолади. Агар улар келаси ҳафта мағлуб бўлса ёки "Манчестер Сити"га қарши ўйинда ғалаба қозона олмаса, тўртинчи ўриндаги жамоадан саккиз ёки тўққиз очко ортда қолиб кетадилар. Клуб эгалари катта пул сарфлашмаса-да, даромад туфайли Чемпионлар Лигасида иштирок этиш жуда муҳим. Қайсидир босқичда жамоа мураббийини алмаштириш муҳокама қилина бошлайди. Бироқ мен бундан анча узоқдамиз, деб ўйламайман. Клопп шу ҳафта ҳам жамоани бошқариш учун энг муносиб ном унинг ўзи эканини таъкидлади".
Изоҳлар