"Бугун мухлисларга ёқадиган ўйин бўлди. Ҳар икки жамоа ҳам яхши ҳаракат қилди. Учрашувда "Бухоро" ҳам, биз ҳам ғалаба қозонишимиз мумкин эди. Юз фоизлик имкониятлардан фойдалана олмадик. Бугун кўпроқ биз ютишни истагандик. Икки очкодан қуруқ қолдик. Бу билан ҳаёт тўхтаб қолмайди.

Бизни узоқдан келиб қўллаб-қувватлаб турган мухлисларга раҳмат айтаман. Ўз навбатида бухоролик мухлислардан ҳам миннатдорман. Ёмғир ёққанига қарамай, стадионда футбол ҳавосини сақлаб туришди. "Бухоро"га навбатдаги ўйинларда омад тилайман.

Майдон биз учун ноқулайлик туғдирди. Тушунаман, янги майдонда илк маротаба ўйин бўлди. Барибир, майдонни текислаб қўйиш лозим. Бу ҳар икки жамоага ҳам ҳалал берди.

Сўнгги дақиқалардаги ўзгариш? Элгужанинг соғлиғида муаммолар бор эди. Ҳарорати кўтарилган бўлсада, майдонга тушишини ўзи илтимос қилди. У шундай ҳолатда ҳам ўйнади. Бироқ, озгина қийналиб қолди. Шунинг учун уни ўзгартирдим. Биринчи бўлимдаги ўзгаришга келадиган бўлсак, регламентга биноан биз майдонга ёш футболчини туширишимиз керак эди", - деб фикрларга якун ясади Ҳамиджон Актамов.

Ҳамиджон Актамов "Бухоро" билан дурангдан сўнг: "Икки очкодан қуруқ қолдик"