Унга кўра, Ўзбекистон терма жамоаси "B" гуруҳида Австралия, Сурия ва Ҳиндистон билан ўйнайдиган бўлди. Championat.asia сайти ҳиндистонлик таниқли журналист Зафар Али Хон билан боғланди ва қуръа натижалари бўйича фикрини сўради.

"Қатар майдонларида бўлиб ўтадиган Осиё кубогига қуръа ташланди. Қуръа натижаларига кўра Ҳиндистон жуда кучли гуруҳдан жой олди. Ҳиндистон терма жамоаси бош мураббийи ҳам қийин гуруҳга тушганимизни айтиб ўтди. Сурия, Ўзбекистон, Австралия каби рақибларимиз ФИФА рейтингида биздан анча тепароқда. Биз ҳозир рейтингда 101-ўринни эгаллаб турибмиз.
Гуруҳимиз жуда қийин, Сурия билан бўлган сўнгги учрашув 1:1 ҳисобида якунланган эди. Мусобақа вақти терма жамоалар ҳар хил ўйин намойиш этишади кимдир яхшироқ ўйнайди, кимдир ёмонроқ. Бизнинг сардоримиз Сунил Четри қариб бормоқда. У ҳинд футболида энг зўрларидан бири, лекин ёши ўтиши билан секинлашиб бормоқда. У 90 дақиқа ўйнай олиши ҳам аниқ эмас. Кўп нарса қолган футболчиларга ҳам боғлиқ бўлади. Анурид Тапа, Сахал Самад, Анвар Али каби футболчилардан умидимиз катта. Ҳиндистон Осиё кубогида курашиши керак, лекин рақиблар жуда кучли. Биз қийин ҳолатдамиз. Сўнгги маротаба Осиё кубогида яхши иштирок этганимизда, кумуш медалларини қўлга киритган эдик, фақат у узоқ 1964 йилги Осиё кубоги эди. Ўша мусобақадан сўнг биз 1984 йили, 2011 ва 2019 йиллари иштирок этдик. 1962 йилги Осиё ўйинларида ҳам яхши иштирок этган эдик ва ўшанда ғолиб бўлганмиз.
Осиё футболи ривожланиб бормоқда ва биз ушбу ҳолатда ривожланишдан тўхтаб қолмаслигимиз керак. Ҳиндинстон терма жамоаси кўп халқаро мусобақаларда иштирок этмаган ва шу сабаб кўпчилик Ҳиндистон даражасини билмайди. Кўпроқ ўртоқлик ўйинларида иштирок этишимиз керак, ўшандагина биз халқаро футболдаги даражамизни билиб оламиз. Сўнги ўртоқлик ўйинимиз Қирғизистон терма жамоасига қарши бўлган эди. Четрининг голлари эвазига ғалаба қозонган эдик. Бизда гуруҳдан чиқиш учун кичик имкониятимиз бор ва биз ушбу имкониятдан унумли фойдаланишимиз керак", - деди Зафар Али Хон.

Ҳиндистонлик журналист: "Кўпчилик Ҳиндистон терма жамоаси даражасини билмайди"