Championat.asia сайти 23 ёшли футболчи билан боғланиб, унинг ҳозирги ҳолати билан қизиқди. Эркиновнинг бизга маълум қилишича, шу кеча-кундузда унда ҳеч қандай жароҳат мавжуд эмас. Демак, у Тимур Кападзе бошчилигидаги мураббийлар штаби хоҳишига кўра терма жамоага жалб этилмаган.
Маълумот учун, Ҳожимат Эркинов охирги марта 27 февраль куни БАА Про лигаси 18-туридан ўрин олган "Ал Айн"га қарши беллашувда 64 дақиқа ҳаракат қилган. У жорий мавсум "Ал Ваҳда" сафида 18 ўйин ўтказиб, 4 та голга ассистентлик қилди.
Аввалроқ Азизбек Турғунбоев нима учун терма жамоадан чақирув олмагани ҳақида хабар бергандик. Шундан сўнг футболчининг ўзи ҳам бу ҳақда тўхталиб ўтган эди.
Эслатиб ўтамиз, Ўзбекистон миллий терма жамоаси 20 март куни Тошкентда Қирғиз Республикаси билан, 25 март куни Теҳронда Эрон билан ўйнайди.
Изоҳлар