"Пахтакор"ни ҳақли ғалаба билан табриклайман. Бизда деярли ҳеч нима ўхшамади, фақат сўнгги 5 дақиқада ҳужумга ўтдик. Дастлабки 85 дақиқада биз футбол ўйнамадик.

Обид Жўрабоев тўпни ёнга ва орқага оширди, бу атайин қилинмаган. Менимча унинг жисмоний тайёргарлиги етарли бўлмагани учундир. Лекин ишонтириб айтаманки у атайлаб қилмади. Мен ўйнаган вақтларда шундай пас берилса ярим йил захирада ўтирардик.

Бугун гол уришга яқин келган вазиятни эслай олмайман. Дарко Станоевич майдонга тушмади, лекин бу баҳона эмас.

Мен ғалаба қозонган таркибни алмаштирмайдиган мураббийлар қаторига кирмайман. Масалан "Пахтакор"да ҳам бугун бир қатор футболчилар алмашишганди. Абибуллаевни дастлабки 5 дақиқада кўрдим, у тўрт бор тўпни йўқотди.

Бу йил чемпионлик учун одатдагидек "Пахтакор", "Бунёдкор" ва "Локомотив" каби клублар курашишади. Улар орасига "Насаф" ва биз қўшилишимиз мумкин.

Кейинги ўйинда Шерзод Ҳакимовга имкон берамиз. Полвонов ўтган йил 14та гол уриб бу йил биронта ҳам гол урмади.

Ўтган сафар матбуот анжуманига кирмагандим ва "Бунёдкор"га ўтганим ҳақида гаплар чиқди? Яна бир бор матбуот анжуманига келмасам қайси клубга ўтказиб қўясизлар (кулади). Бу ҳаммаси миш-миш.

Игорь Шквирин: "Пахтакор"ни ҳақли ғалаба билан табриклайман