Балки қаердандир бу жангни топиб кўриш имконияти сизда бўлар. Аммо 3 раунднинг барида корейс боксчисини кетма-кет зарбалари билан "ёрвор"ган Ойбек якунда сирли равишда мағлубиятга учради. Бўй жиҳатдан рақибидан паст бўлсада, паст ва юқори зарбалари билан Ким Хёнгни фақат ҳимояланишга мажбур қилди. Буни тезда пайқаган рефери икки маротаба, хато зарба бераётган деган фикрда у ҳамюртимизга огоҳлантириш берди.

Бу эса баҳо қўйиб ўтирувчи ҳакамларга қўл келди. Учинчи раунд сўнггида кореялик боксчининг боши ғуррага тўлиб кетди. Буни қуйидаги суратдан ҳам кўришингиз мумкин. Якунда суҳандон ринг эгасини 29-28, 29-28, 29-28 ҳисобида ғалаба қозонганлигини айтганида, залга йиғилган, барчанинг норозилигига учради. Рингни тарк этиш олдидан, мард экан, Ким Хёнг Ойбекни қўлини кўтариб қўйди. Боксчини ўзи тан олган натижани, кўзи кўр ҳакамлар эътибордан четда қолдирдилар.

Баҳсга қуйидаги ҳакамлар баҳо беришди:
Дель Пуэтро Труэта (Куба)
Херардо Погги (Аргентина)
Сиди Ёқуб Ҳаммади (Жазоир)
Майкл Галлахер (Ирландия)
Мариуш Горни (Польша)

Биз эса Ойбекка руҳини чўктирмасликка, аксинча Рио олимпиадасига жиддий тайёрганрлик кўриб, у ерда олтин медал билан қайтишига тилакдошмиз.

Нодирхўжа Юлдашев

Инчеон-2014. Бокс. Ойбек Мамазулуновни "СИНДИРИШ"ди