"Бу йилги ПРО лига мусобақасини юксак савияда ўтказгани учун ПФЛга ва ЎФАга раҳмат айтаман, бундан ташқари ПРО лигани юқори даражага чиқишида Узрепорт телеканалининг ҳам ҳиссаси катта бўлди.

Олдимизда ғалабадан бошқа вазифа йўқ эди. Ўйинни шиддатли тарзда бошладик, шунинг эвазига пенальтига эга бўлдик. Пенальтидан ҳатто жаҳон юлдузлари ҳам уролмайди.

Бугунги ўйиннинг ҳароратига тўғриси футболчиларимиз тайёр эмасди, сабаби кўп футболчилар иккинчи лигадан буён ўйнаб келишмоқда.

Отабек Ҳайдаров, Шукурали Пўлатов каби етакчилар бугун айрим сабабларга кўра бизга ёрдам бера олишмади. Шунга қарамай йигитлар ирода кўрсатишди. Бутун Ўзбекистонга бугунги ўйин орқали намойиш этишди.

Олдимизга қўйилган вазифани ортиғи билан бажардик.
Яйпан туманининг барча аҳолисини Суперлига билан табриклайман. Уларнинг оилаларига хурсандчилик олиб кирган бўлсак бундан жуда ҳам мамнунмиз.

Кичик шаҳарчада футбол клубини тузган раҳбариятимизга миннатдорчилик билдираман.

"Турон" доим юқори ўринлар учун курашиб келган, Суперлигага чиқдик. Энди Суперлигага қолиш учун эмас муносиб равишда иштирок этишга ҳаракат қиламиз. Таркибимиздаги кўплаб йигитларга ишонишда давом этамиз ва кейинги мавсумда ҳам ғалабалар билан мухлисларимизни хурсанд қиламиз деб ўйлайман", - дейди Исломбек Исмоилов.

Исломбек Исмоилов: "Турон" Суперлигада ҳам муносиб иштирок этмоқчи"