"Бугунги ўйин ҳақида гапирадиган бўлсам кутилганидек шиддатли ўзига хос муросасиз руҳда кечди. Ўйиндан келиб чиқиб ўзгаришлар қилдик. Йигитларга охиригача курашишгани учун раҳмат ! Биринчи ўрин футболчиларга, жамоамизга руҳий далда беради деб ўйлайман. Бу шу вақтгача қилган меҳнатларимизнинг самараси ҳисобланади. Бундан кейин ҳам бўшашмасдан ишласак, мавсум охирида кўзлаган мақсадимизга етамиз.
Футбол шунақа нарсаки, машғулотда бошқа бир вазият устида ишлайсиз, ўйинда эса бошқа вазият бўлади. Голдан кейин ҳотиржамликка берилиш руҳий ҳолат билан боғлиқ. Нафақат ўйин давомида балки, машғулотларда ҳам футболчиларга тушунча берамиз. Ҳар доим диққат эътиборни йўқотмаслик керак, 90 минут курашиш лозим. Биз футболчиларга ўргатаётган услуб ва тактика ҳужумкор футболга асосланган.
Янги келган футболчилар ўйиндан ўйинга мослашиб боришади. Улар келганига 2 ой бўлди. Жамоадаги аксарият футболчилар 8-9 ойдан бери бирга ўйнайди. Футболчиларни бир жамоага мослашиб кетишига маълум вақт керак бўлади. Отабек Ҳайдаров ва Шукурали Пўлатов улкан тажрибага эга футболчилар ҳисобланади. Шунга қарамай улар бугун ишончли ўйин кўрсатди. Масалан, жамоамизнинг биринчи голи айнан Отабек Ҳайдаровнинг узатмасидан сўнг киритилди.
Ғалабадан сўнг ҳам танқидий савол берилаяпти? Қачон шундай бўлди? Матбуот анжуманида ўйин таҳлили бўлади. Журналистлар томонидан берилаётган саволларни танқидий руҳда бўлди деб ҳисобламайман. Аслида танқид бўлгани яхши, балки ўйинни бошқа ракурсдан кўрган журналистлар камчиликларимизни айтишса, биз навбатдаги ўйинларда бу каби холатларни кўриб чиқамиз",- дейди Исломбек Исмоилов.
Изоҳлар