O'z
Кириш

Испания чемпионати 28 октябрдан тўхтатиладими?

Sherzod Nurmatov
20 oct 2022
Ла Лига раҳбарияти Испания ҳукуматининг клубларнинг Суперлигада иштирок этишини таъминловчи спорт тўғрисидаги қонунни қабул қилиш ҳақидаги қарорига норозилик сифатида Испания чемпионатини тўхтатиб қўйиши мумкин.

Бу ҳақда Испаниянинг Cope радиостанцияси хабар берди.

Радиостанция хабарига кўра, Ла Лига президенти Хавьер Тебас миллий чемпионатнинг биринчи ва иккинчи дивизион клублари билан йиғилиш ўтказган ва уларни 27 октябрь куни бўлиб ўтадиган навбатдан ташқари йиғилишга чақирган. Унинг натижаларига кўра, норозилик сифатида Испания чемпионатини тўхтатиш тўғрисида қарор қабул қилиниши мумкин.

17 октябрь куни Ла Лига клублари вакиллари Маданият ва спорт вазири Микель Исета билан учрашув ўтказиб, унда Испания клубларининг Суперлигада иштирок этишига рухсат берувчи янги қонундан хавотир билдиришди. Ла Лига вакилларининг билдиришича, қонуннинг қабул қилиниши ташкилотларга 2 миллиард еврога яқин даромад келтирадиган CVC Capital Partners инвестиция фонди билан келишувга путур етказади.

СегундаЛа ЛигаХавьер ТебасМикель Исета
Sherzod NurmatovМақола муаллифи
Муқова: Cope

Изоҳлар

Футбол.
20 oct 2022
Ҳамма ўз дардида. ЛА Лигани Реал ва Барселона боқади. Агар шу иккаласи бўлмаса Ла Лигани даражаси Дания чемпионатидан юқорида бўлмас эди. Ҳамма ўз меҳнатига яраша ҳақ олишни истайди. Нима Суперлига жиноий ташкилотми даражанг етса ундан зўрини ташкил этмайсанми? Евронани қрқ марказида монополия яна биз ўзимизни Суперлигамиздан хафа бўлиб ўтирибмиз.