"Интер Майами" ҳимоячиси ва Каталониянинг "Барселона" жамоасининг собиқ ўйинчиси Жорди Альба МЛСнинг жорий мавсуми якунида футболчилик фаолиятини якунлашини эълон қилди. МЛСнинг ҳозирги мавсуми 2025 йил декабрда тугайди. Алба 36 ёшда. У 2023 йилнинг ёзидан бери "Интер Майами" сафида тўп сурмоқда. У жамоа учун жами 95 та ўйин ўтказиб, 14 та гол урган ва 28 та голли узатма берган.

Альба энг кўп ўйинни "Барселона" таркибида ўтказган - 459 та. Жорди "Барса" таркибида 27 та гол уриб, 99 та голли узатма берган.

Бундан олдин Альбанинг жамоадоши ва "кўк-анорранглилар"нинг яна бир собиқ футболчиси Серхио Бускетс ҳам фаолиятини якунлашини маълум қилган эди.

Жорди Альба мавсум якунида футболчилик фаолиятини якунлашини эълон қилди