Италия терма жамоаси собиқ ҳимоячиси Фабио Каннаваро ўзига берилган таклифни рад этди. Польша футбол уюшмаси мамлакат терма жамоаси бошқаруви учун Фабио Каннаваронинг номзодини илгари сураётганди. Мураббий ўз қарорини Польша футбол федерацияси президенти билан телефон орқали суҳбатда маълум қилган.

Польша терма жамоасини Жаҳон чемпионати саралаш ўйинларига тайёрлаш учун етарли муддатнинг йўқлиги мураббий ушбу қарорга келишига сабаб бўлган.

Каннаваро бунга қадар Осиёда ишлади: "Ал-Аҳли", "Гуанчжоу Эвергранде", "Ан-Наср», "Тяньцзинь" жамоалари, шунингдек, Хитой термасини бошқарди. 2018 йили "Эвергранде" билан мамлакат суперкубоги, 2019 йили эса чемпионликни қўлга киритди.

Каннаваро Польша термасини бошқаришни истамади