Реалнинг собиқ бош мураббийи Фабио Капелло, Лионель Месси ҳамда Неймарнинг "Барселона"даги жуфтлигига ҳеч ким тенг кела олмаслигини айтди.

"Неймар жуда ноодатий футболчи, унда ўзига хос ҳислатлар мавжуд. Унда тезлик, техника бор, иккала оёқда зарба бера олади ва ҳар доим энг қулай позицияни танлай олади.

“Ўйлайманки Месси ва Неймар бирга ўйнаганда, уларни енгиш жуда қийин бўлади. Чунки улар ҳар доим гол ура олиш қобилиятига эгалар. Агар жамоангиз ҳар бир турнирда совринни қўлга киритишни хоҳласа, бу жуда муҳим”.

Капелло шунингдек "Сантьяго Бернабеу"даги янги бош мураббий, ўзининг ватандоши Карло Анчелоттига, хотиржам бўлишга харакат қилиб барча нарсага майдонда ойдинлик киритишни маслаҳат берди.

"Мадридга борганда, футболчилардан клуб устунлигини, мураббий эса ҳамма нарсадан устунлигини билиш керак”, - деди мураббий.
"Реал"да энг муҳим инсон бўлишга харакат қилиш керак эмас. Анчелотти жуда ақлли. У жамоани қандай бошқаришни билади. У босиқ ва тажрибали инсон – унда “Реал”ни бошқариш учун аъло даражадаги ҳислатлар бор”

Фахрий мураббий Мадриднинг Иско ҳамда Асиер Илларамендиларнинг қимматбаҳо трансферларидан хурсанд. Унинг фикрига кўра “Ла Лига” 2013 йилда энг юқори имкониятларга эга.

"Ҳозир футбол соҳасидаги энг истиқболли ёш футболчилар Испаниядалар, шунинг учун ҳам уларни “Реал” ҳарид қилган. Уларда тажриба ҳам истеъдод ҳам бор, улар Испанияда қандай услубда ўйнаш кераклигини билишади”.

Капелло: Неймар ва Мессига ҳеч ким тенг кела олмайди