Маълумки, бу соврин саралаш босқичида энг кўп тўп киритган футболчига берилади ва Хонда 5та гол уришга муваффақ бўлди.

Хонда бу борада жамоадошлари Риёчи Маеда ва Шинжи Оказакидан иккита тўпга ошди. Шунингдек, Аҳмад Хайел (Иордания), Жавод Некунам, Ризо Гучаннажод (ҳар иккаласи Эрон), Ли Кюн Хо (Ж.Корея), Тим Кейхил (Австралия) каби футболчилар ҳам учтадан тўп киритишди.

Хонда ўзининг бешта голидан учтасини Иорданияга дарвозасига ва биттадан голни Уммон билан Австралия дарвозасига урди. Энди у кўпчилик ўйлаётганидек, “Тойота” компанияси томонидан енгил автомобиль билан эмас, балки 3 миллион иена (Япония пул бирлиги) миқдоридаги сумма билан тақдирланади. Бу эса 30 минг АҚШ доллари деганидир. Қуйида ЖЧ-2014 саралаш ўйинларида энг кўп гол урган 10та осиёликни келтириб ўтамиз. Рўйхатнинг 10-поғонасини Санжар Турсунов ўзининг иккита голи билан банд этган. Биздан шунингдек, Улуғбек Бақоев билан Баҳодир Насимов ҳам иккитадан тўп киритишди. Сервер Жепаров, Одил Аҳмедов, Жасур Ҳасанов ва Олег Зотеев саралаш баҳсларида биттадан гол уришди.

1. Кейсуке Хонда (Япония) – 5
2. Жавод Некунам (Эрон) – 3
3. Шинжи Оказаки (Япония) – 3
4. Тим Кэйхил (Австралия) – 3
5. Аҳмад Хайел (Иордания) – 3
6. Майеда Риёчи (Япония) – 3
7. Ли Кюн Хо (Ж.Корея) – 3
8. Ризо Гучаннажод (Эрон) – 3
9. Аҳмад Муборак (Уммон) – 2
10. Санжар Турсунов (Ўзбекистон) – 2

Х.Холиқов тайёрлади.

Кейсуке Хонда “Тойота” совринини қўлга киритди