9-турга келибгина “Пахтакор” Суперлига карвонбошисига айланиб олди. Бунга Арвеладзе жамоаси ғалабасиз эришди. Шунинг учун ҳам клуб мухлислари “Металлург”га миннатдорчилик билдиришлари мумкин.

Агар Суперлига тенг иккига бўлиб ўрганилса, бунда “Пахтакор” 6-ўринга қараб шўнғийди. Кетма-кет уч турда имкониятни бой берган “Бунёдкор” эса индамайгина пешқадам бўлиб олади. Сабаби, “Бунёдкор”ни таслим қилган икки клуб ҳозирча олтиликка кира олмаган. Агар Қосимов шогирдлари кеча Қўқонда ҳам имкониятни бой бермаганида, ҳолат бундан ҳам яхшироқ бўлиши мумкин эди.

“Металлург”нинг ҳолати жуда ажойиб. Агар клуб 22-турдан кейин ҳам олтиликда турса, ишлари у қадар ёмон эмас. Бироқ жамоа олтиликка кира олмаса, ишлари у қадар яхши бўлмаслиги мумкин. Чунки бекободликлар икки йил аввалги “Вест Ҳэм”ни ёдга соляпти: етакчилар кушандаси, аммо оддий ўйинларда очко кўп йўқотилади.

Чемпионлик йўлида

Бунёдкор 4 3 0 1 7:3 9

Металлург 5 2 1 2 5:10 7

Бухоро 5 2 0 3 5:8 6

Насаф 3 1 2 0 4:2 5

Қўқон-1912 4 1 1 2 1:2 4

Пахтакор 3 1 0 2 5:2 3

Қуйида эса “Локомотив”га эътибор қилинг. Аҳвол у қадар яхши эмас. Бироқ Фёдоров бошчилигидаги жамоа олтилик учун асосий даъвогар бўлиб қолаверади. Ҳозирча “темирйўлчилар” ўша олтилик жамоаларидан очко жамғариш билан банд. Оддий мисол: кетма-кет икки Тошкент дербиси. Шунинг учун “Локо”га 4 очко бериши мумкин.

Жон сақлаш йўлида

Қизилқум 4 3 0 1 7:4 9

Навбаҳор 4 2 1 1 7:5 7

АГМК 4 2 0 2 5:6 6

Локомотив 4 2 0 2 5:3 6

Сўғдиёна 4 1 1 2 4:7 4

Нефтчи 4 0 2 2 2:5 2

Кетма-кет уч турда мағлуб бўлган “Бунёдкор” ҳозирча Суперлига пешқадами