Аввал хабар берганимиздек Ўзбекистон виртуал спорт ўйинлари ва киберфутбол федерациясига қарашли “UzArena”да Ўзбекистонлик энг кучли киберфутболчилар орасида “PROJECT X” мусобақаси 3 кун давомида бўлиб ўтиши ҳақида маълумот бергандик. Кеча ушбу мусобақа ўз ниҳоясига етди. Турнирда “Бунёдкор” футбол клуби киберфутболчиси Муҳаммадамин Турғунбоев ғолиб бўлди.

Иккинчи ўринни “Қўқон-1912” клуби аъзоси Дилшод Матякубов қўлга киритган бўлса учинчи поғонани “Металлург” клуби киберфутболчиси Сервер Керимов қўлга киритди. Афсуски ушбу мусобақада “Локомотив” клуби киберфутболчиси Ўктам Ибрагимов тўртинчи ўринни эгаллади ва кучли учликка кира олмади. Ушбу мусобақада қолган тўртта ўринни Қаҳрамон Солихбоев, Анвар Эмилиен, Жамшид Жўрақулов ва федерация президенти Азизбек Паттахов эгаллади.

Киберфутбол. “PROJECT X” мусобақаси ғолиби “Бунёдкор” клуби аъзоси