"MDL Chengdu Major саралашидаги қониқарсиз натижа туфайли Natus Vincere (NAVI) киберспорт клуби Dota 2 жамоасида ўзгариш амалга оширишга қарор қилди: Акбар Бўтаев (SoNNeikro) захирага олинди.

Акбар ўрнини жамоанинг қирғизистонлик вакили Бакит Эмилжанов (Zayac) эгаллайди" - дейилади расмий хабарда.

Клуб директори Евгений Золотарёвнинг таъкидлашича, Хитойдаги жаҳон чемпионати (2019 йил августда ўтказилган)дан кейин NAVI киберспортчилари ўртасидаги муносабатларда муаммолар пайдо бўлган. Натижада жамоанинг қолган 4 вакили клуб раҳбариятига "Ё биз ё Акбар" кетади дея ультиматум қўйган.

Эслатиб ўтамиз, бир йил аввал NAVI директори жамоа Акбар атрофида қурилишини, жамоага у истаган ўйинчилар олиб келинишини айтган эди. Якунда Бўтаев олиб келган йигитлар унинг ўзини жамоадан чиқариб юборишди.

NAVI жамоасининг сўнгги вакили яқин бир ой ичида эълон қилинади.

Акбар Бўтаев 1997 йил 16 май куни Тошкентда дунёга келган. Киберспортчи бир неча йил аввал ўз позициясида (саппорт) дунёнинг энг кучли киберспортчиларидан бири сифатида эътироф этилган эди. Маълумотларга кўра, Акбар фаолияти давомида ҳозиргача 316 минг доллар ишлаб топган.

Киберспорт. Акбар Бўтаев NAVI захирасига ўтказилди