"Жамоам билан фахрланаман. Бу туйғуларни сўзлар билан тасвирлаш жуда қийин... Ярим финал - бу Уэльс учун катта муваффақият. Буни ҳеч ким кутмаган эди. Аммо бунга 200% муносибмиз.

Еврода кўнглим тўлмаган ягона ўйин Англияга қарши бўлди. Ўша баҳсда ўзимизни йўқотиб қўйдик.

Ҳар қандай терма жамоа устози Рэмсини йўқотишдан афсусланган бўлар эди. У ажойиб ўйинчи. Бугун Португалия терма жамоаси ҳимоясида жой топа олмадик. Аарон шу ишни жуда яхши бажарар эди.

Бэйл? У ҳам одам. Гарет қўлидан келган барча ишни бажарди. У майдонда тиниб билмади. Аммо Бэйл учрашувларни бир ўзи юта олмайди. Гарет турнирни жуда яхши ўтказди. Унга миннатдорчилик билдириш учун тиз чўкишга ҳам тайёрман" - дейди Коулман.

Коулман: "Бэйлга миннатдорчилик билдириш учун тиз чўкишга ҳам тайёрман"