Январь ойида каталон клуби Яқин Шарқ мамлакатларидан икки инвестор билан ўз уй стадионида 475 та жойни 30 йилгача муддатга сотиш бўйича келишувга эришди. Хабарларга кўра, VIP-жойлар сотишдан тушган даромад "Барселона"га "1 га 1" қоидасини ишга солиш ва "Камп Ноу" реконструкцияси учун инвесторлар олдидаги қарзнинг "катта қисмини" тўлаш имконини берди. Бу келишув клубга 100 миллион евро олиб келиши ҳақида маълумот берилган эди.
Ушбу келишув Ла Лиганинг эътирозларига қарамай, кўк-анорранглиларга мавсумнинг иккинчи қисми учун Дани Ольмо ва Пау Викторни рўйхатга киритиш имконини берди. Олий спорт кенгаши (CSD) клубга футболчиларни вақтинча рўйхатга киритишга рухсат берди. Бироқ яқин кунларда "Барса" аудитори "Камп Ноу"даги VIP-жойлар сотишдан тушган 100 миллион еврони Ла Лига учун ҳисоботга киритишни тасдиқламагани маълум бўлди, бусиз клуб трансферлар ва шартномаларни узайтиришда муаммоларга дуч келиши мумкин.
Энди Ла Лига чемпионат етакчисининг молиявий фэйр-плей билан боғлиқ муаммолари ҳақида тўққиз банддан иборат баёнотини эълон қилди. Хусусан, клубда Ольмо ва Викторни рўйхатга олиш учун асос йўқлиги кўрсатилган. "Барса"нинг таркиб учун харажатлар лимити яна қисқартирилди.
Изоҳлар