“Ал-Гарафа” клуби нима қилиб бўлса-да кучли тўртликка илинишни мақсад қилганди. Кечаги ўйиндан кейин жамоа бунга эришишни ҳам бошлади. Темурхўжа Абдухолиқов тўп сурадиган “Ас-Сайлия” меҳмони бўлган “Гарафа” йирик ғалабага эришди. Таркибнинг энг машҳур футболчиси Уэсли Снайдер дублга эришди, яна 1 та гол форслар ҳужумчиси Таремий ҳисобига ёзилди.

“Ас-Сайлия” бош мураббийи Абдухолиқовни 64-дақиқада алмаштирди ва унинг ўрнига бразилиялик Вагнер Рибейрони майдонга туширди. Бироқ бу ҳам иш бермади.

Санжар Турсунов ҳаракат қиладиган “Ал-Ҳарайтият” клуби эса янада шармандали ҳисобда мағлуб бўлди — 0:5. Ҳафта бошида Тошкентнинг “Локомотив” клубини 3:2 ҳисобида таслим қилган пешқадам “Ал-Дуҳайл”, аутсайдер рақибига имкон қолдирмади ва пойтахтимизга хуш кайфиятда келадиган бўлди. “Локомотив” эса Суперлиганинг 2-турида очко йўқотди.

Турсунов майдонда 67 дақиқа ҳаракат қилди ва ўз ўрнини бўшатиб берди. У 24-дақиқада ҳакам томонидан огоҳлантирилди ҳам.

Championat.asia статистикаси

Яна 2 тагина турдан кейин Қатар Юлдузлар Лигасида мавсум ўз якунига етади. Шунингдек, Турсунов ҳамда Темурхўжа Абдухолиқовнинг ўз жамоалари билан шартномалари тугайди. Сизнингча улар фаолиятини Қатарда давом эттиргани яхшими?

ЛегионерУз. Қатарда ўзбекистонлик футболчилар учун оғир кун. Умумий ҳисоб — 0:8