Ўйин давомида "темирйўлчилар"дан Ян Тигорев ва Виталий Денисовлар қизил карточка олишди. Жавоб ўйини 28 август куни Москвада бўлиб ўтади.

- "Иккинчи бўлимда ҳаётимда илк бор менинг жамоам 9 киши бўлиб қолди. Рақиб катта устунликка эга бўлди ва ундан фойдалана олди. Аммо биз гол ура олганимиздан кўнглим тўлди. Меҳмондаги гол катта аҳамиятга эга.

- Иккинчи бўлим охирида нима содир бўлди? Жамоангиз чарчаб қолдими ёки рақибга етарли баҳо бермаганмидингиз?
- Йўқ, биз "Аполлон"нинг кучини билар эдик. Ўтган йили кипрликлар "Ницца"ни ўтиш бахсларида мағлуб этган ва улар Европа Лигаси гуруҳ босқичида жуда яхши ўйин кўрсатишган. Улар кучли жамоа, шу сабабли уларга паст баҳо бермаганмиз. Биз қисқа муддат ичида тўртинчи ўйинни ўтказдик ва таркибни ўзгартириб туришга мажбур эдик. Бу ўйин биз учун осон бўлмади.

- Четлатишлар жамоангизга қанчалик таьсир қилди?
- Ҳар қандай четлатиш ўйинимизга жиддий таьсир кўрсатади. Биз ўйинни давом эттира олмайдиган Алан Касаев ва Дмитрий Тарасовларни алмаштиришга мажбур бўлдик. Қизил карточкаларга келадиган бўлсак, биринчисидан сўнг ҳимояда ўйнашга мажбур бўлдик, иккинчи қизил карточкадан сўнг кўплаб ҳужумларни ўтказиб юбордик.

- Бу учрашувгача "Локомтив" фаворит ҳисобланган. Меҳмондаги бахсдан кейин, икки ўйин бўйича ўз имкониятларингизни қандай баҳолайсиз?
- Мен фоизларни ҳисобламайман. Ҳозирча ҳеч нарса ҳал бўлгани йўқ. Бу бахс тақдири Москвада ҳал бўлади, шунинг учун бў ўйинга жиддий тайёргарлик кўрамиз" - дейди Кучук.

Леонид Кучук: "Апполон"га паст баҳо бермаганмиз"