“Бугун зўр натижага эришдик, руҳий томондан рақибдан кучли эдик. Ҳамма ўйинчилар кўрсатмаларимга амал қилди. Улар билан фахрланаман. Ўйлайманки ватандошларимиз биздан хурсандлар. Биз ҳақиқий гонконгликларнинг матонатини кўрсатдик ва улар учун жонимизни бериб ўйнадик”, - деб гап бошлади Лиу Чун Фаи.

- Ўзбекистан ўз даражасидан паст ўйнадими ёки Гонконг ўз даражасидан юқори?
- Ўзбекистон биздан зўр эмас. Улар бизни ҳимоямизни ёриб ўтишлари қийин бўлди. Кучли жамоа ёриб ўтиши керак. Улар учун афсусдаман аввал ҳам юта олишмаган эди.

- Танаффусда шогирдларингизга нима дедингиз?
- Шунчаки гол ўтказмаслигимиз кераклигини айтдим. Асосий эътиборни ҳимояга қаратдик ва бу самарасини берди. Бугун менталитетимиз эвазига очко олдик. Ўзбекистоннинг ҳужумларини бартараф қилишимиз сабаби руҳий кучлилигимизда эди.

- Осиё ўйинларида мақсадингиз қандай?
- Имкон қадар узоқроққа боришга ҳаракат қиламиз.

- Гонгконг ҳужум қилишни ҳам биладиган жамоа. Буни битта вазият билан исботлади. Нима учун ютиш учун ҳужум қилмадингиз?
- Ўзбекистон биздан анча юқорида. Уларга қарши очиқ ўйин қилиб бўлмас эди.

- Бангладеш – Афғонистон (1:0) учрашуви ҳақида фикрингиз.
- Афғонистон кучли эди. Энди биз улар билан ўйнаймиз. Ғалаба қозонишга ҳаракат қиламиз. Мазкур ўйин бизни жадвалдаги ҳолатимизга ойдинлик киритади.

Нодирхўжа Юлдашев
Инчеон шаҳридан

Лиу Чун Фаи: “Ўзбекистон биздан кучли эмасди”