Yozgi transfer oynasida Diyor Turopov "Loko"dan "Navbahor"ga o'tgani haqida muxlislar xabar topib ulgurgan bo'lsa kerak.
Diyor Turopov 2017-yilning 5-yanvar kuni "Lokomotiv" bilan shartnoma imzolagandi. O'tgan besh yarim yil ichida o'z o'yini bilan "temiryo'lchilar" mehrini qozona oldi va jamoamizning yetakchi futbolchilaridan biriga aylandi.
Diyorjon Turopov "Loko"dagi davr mobaynida O'zbekiston milliy chempionati doirasida 111ta bahsda maydonga tushishga muvaffaq bo'ldi. Shuningdek, O'zbekiston Kubogi musobaqasi bilan Osiyo chempionlar ligasida ham jamoamizga yaqindan yordam berdi. Endilikda Turopov faoliyatini "Navbahor"da davom ettiradi.
