– O'yin haqida fikringiz

– Omadsiz o'yinlardan keyin bugun yigitlar g'alaba qozonishni istashgandi. Ikki barobar qiyin bo'ldi. "Lokomotiv" ajoyib jamoa, o'yinchilar sifati juda yaxshi. Ularda o'yin boshida yaxshi vaziyatlar bo'ldi. Biz standart vaziyatdan gol urib, o'zimizga bo'lgan ishonchimizni oshirdik. Ikkinchi bo'limda ham shunday bo'ldi va raqibni qarshi hujumda ushladik.

– Bugun juda ko'p yosh o'yinchilar maydonga tushishdi. Bu haqda nima deya olasiz?

– Nima ham deya olaman. Men uchun yosh o'yinchi degan tushuncha yo'q. Men ularni jamoa o'yinchisi sifatida ko'raman. Ularning pasportiga qaramaymiz. Ko'p futbolchilarga o'zini ko'rsatish uchun imkoniyat beryapmiz. Bugungi o'yin agar harakat qilmasangiz, qiynalib qolishingizni ko'rsatdi.

– Jamoa keyingi bosqich yo'llanmasini 80% ga uddaladi. Kelajakda qanday maqsadlar bor?

– Har bir turnirdan maqsadimiz bor. Boshida guruhdan chiqish edi vazifamiz edi. Hozir ham bu ishni uddalaganimizcha yo'q. Raqibni mag'lub qilib, keyingi bosqichga chiqishni maqsad qilganmiz.

– "Buxoro" jamoasida bir necha mag'lubiyatlar bo'ldi. Keyingi o'yinda "Navbahor" kutib turibdi. Bu o'yindan kutilmalar qanday?

– O'zbekiston chempionatidagi har bir tur kutilmagan voqealar taqdim qiladi. "Navbahor"ga qarshi o'yinga tayyorlanamiz. Faqat g'alaba uchun maydonga tushamiz, uyog'i nima vaziyat yuz berishiga bog'liq.

Ulug'bek Bakaev: "Men uchun yosh o'yinchi degan tushuncha yo'q. "Navbahor"ga qarshi g'alaba uchun maydonga chiqamiz"