Кетма-кет уч йил (2016, 2017, 2018) чемпионликни қўлга киритган "темирйўлчилар" бу сафар кумуш медаллар билан чекланишди. Қуйида Суперлига-2019 рақамларига тўхталиб ўтамиз.

- Суперлигада 26та ўйин ўтказган "Локо" шундан 13тасида зафар қучиб, 10 марта дуранг ўйнади ва 3та беллашувда имкониятни бой берди. Тўплар фарқи 40-17 кўриниш олди. Жамоамиз жорий чемпионатда 49 очко тўплади.

- "Локомотив" мавсумни икки мураббий қўл остида ўтказди. 1-12 турлар Андрей Фёдоров бошчилигида ўтган бўлса, 13-турдан бошлаб чемпионат охиригача Самвел Бабаян асосий жамоага устозлик қилди.

- Андрей Фёдоров "Локо" билан бу мавсум Суперлигада 7та ғалабага эришди. Учта дуранг қайд этиб, икки ўйинда имконият бой берилди. Сафарда "Динамо" билан кечган баҳсдан сўнг Фёдоров ўз лавозимини тарк этди.

- Самвел Бабаян қўл остида 14та ўйин ўтказган "темирйўлчилар" шундан 6тасида ғалабага эришиб, 7 бор дуранг ўйнашди ва фақат битта баҳсда мағлубиятга учралди.

- "Локомотив" бу йил 4та жамоани ҳам уйда, ҳам сафарда мағлуб этишнинг уддасидан чиқди. Булар - "Насаф", "Навбаҳор", "Андижон" ва "Бухоро". Қизиғи шундаки, "темирйўлчилар" мана шу жамоалардан умуман гол ўтказишмади.

- "Локо" 2-турдан бошлаб 6-тургача қаторасига 5та ўйинда зафар қучди. Навбати билан "Навбаҳор" (1:0), "Андижон" (4:0), АГМК (2:1), "Бухоро" (2:0) ва "Қизилқум" (3:1) клублари мағлуб этилди.

- Бу йил 18-21 турлар оралиғида кетма-кет 4та дуранг кузатилди. Сафарда "Бунёдкор", "Қўқон-1912", "Қизилқум" ва уйда "Металлург" билан кечган баҳсларнинг ҳаммаси 1:1 ҳисобида якун топди.

- Суперлига-2019да "Локо" сафида энг кўп ўйин ўтказган футболчилар Анзур Исмилов билан Жамшид Искандеров бўлишди. Анзур Исмоилов 26та турнинг барчасини алмаштиришсиз ўтказди. Искандеров ҳам 26та ўйинда майдонга тушди, бироқ майдонда ҳаракат қилган дақиқалари бироз камроқ бўлди.

- "Локомотив" таркибида энг кўп гол урган футболчи Темурхўжа Абдухолиқов бўлди. Темурхўжа ушбу мавсум ўз ҳисобига Суперлигада 11та гол ёзиб қўйди.

- "Локо" тўпурарлари пойгасида Жамшид Искандеров 6та гол билан иккинчи, Ислом Тўхтахўжаев ва Арсланмират Аманов 4тадан гол билан учинчи бўлишди.

- "Локомотив" ушбу мавсум 26 нафар футболчи хизматидан фойдаланди. Жамоамиз таркибида тўп тепган легионерлардан энг кўп ўйин ўтказган Йован Жокич бўлди. У Суперлиганинг 24 учрашувида майдонга тушди. Арсланмират Аманов 23, Игорь Йелич 13, Медина Смит 10, шунингдек биринчи даврада ўйнаган Филип Райевац 9та баҳсда майдонга тушишди.

- Бу йил энг кўп сариқ карточка олган футболчи Даврон Ҳошимов бўлди. У 7 бор ҳакамлар томонидан огоҳлантирилди. Қизил карточка фақат бир марта кузатилди. Сафарда "Металлург"га қарши баҳсда Ҳусниддин Ғофуров қизил карточка олиб биринчи таймдаёқ майдонни тарк этди.

"Локомотив"дан Суперлига-2019 якунлари. Ким қанча ўйнади?