Йил давомида пенальтилар сериясига тайёрланиб, Аргентинага пенальтиларда имкониятни бой бергач “лолар юрти” термаси устози Луи ван Гал истеъфога чиққанини маълум қилди:

"Мен бош мураббий сифатида фаолиятимни давом эттирмайман. Мен фақат шу Жаҳон чемпионати муддатида бу ишни бажардим. Шунинг учун бу менинг сўнгги ўйиним эди.
Мен ажойиб вақт ўтказдим. Бизни чиқариб юборишларини кузатиб туриш жуда оғриқли. Бунинг олдини олиш учун қўлимдан келганини қилгандим.
Бугун тунда ўзимни қоралайдиган ҳеч нарса бўлмади. Биз масъул бўлган, 20 ўйиннинг бирортасида ютқазмадик. Қанчасида ғолиб бўлганимизни билмайман. Сиз буни Google’дан Нидерландия терма жамоаси ва ван Гал, деб қидириб билиб олишингиз мумкин. Мен бугун мағлуб бўлдик, деб ҳисобламайман", – деди у.

2021 йилда учинчи марта Нидерландия бошқарувини қўлга олган Луи ван Гал Жаҳон чемпионати саралаши, Миллатлар Лигаси ва халқаро ўртоқлик ўйинларида 14 ўйинда ғалаба қозонди ва 6 та ўйинда дуранг қайд этилди.

Луи ван Гал Нидерландия термаси бошқарувидан кетди