- Янги жамоага киришиб кетиш осон бўлди. Ҳаммаси яхши, у ердаги барча йигитлар менга таниш эди. Клубдаги ишларнинг барчаси жойида. Бу ерга келдик, энди бор эътибор бу термага қаратилади.

- Клубдан термага ўтгандан кейин чарчоқ кузатилмайдими? Чунки бу барибир ватан жамоаси.

- Барибир ўйинлардан кейин чарчоқ бўлиши мумкин. Бу табиий ҳолат. Ўйингача барчаси жойига келади.

- Осиё Кубоги саралашида Қирғизистон, Шри-Ланка ва Фаластинга қарши ўйинлар бўлади. Бу рақиблар ҳақида фикрлар қандай?

- Қирғизистон билан ўйнаганмиз, уларни биламиз. Шри-Ланка ва Фаластинни билиш қийин. Лекин ушбу рақибларга қарши ўйин учун ҳам яхши тайёргарлик кўрамиз. Уларнинг ўйинлари видеолари ҳам йўқ, тайёрланиш ҳам қийинроқ бўлади. Бироқ бўшашмасдан, бор диққатни жамлаб, ғалаба қозонишга ҳаракат қиламиз.

- Саралаш ўйинларининг Қирғизистонда бўлиши қанчалик яхши? Бизга қўшни давлат. Агарда ўйинлар Шри-Ланка ёки Фаластинда бўлганида бизга қийин бўларди.

- Мен ҳам яхши бўлди деб ўйлайман. Узоқ ва қийин сафарлар бўлмайди. Албатта, ўша давлатларга бориш қийинроқ бўларди. Узоққа учиш кўп чарчоқни келтириб чиқаради. Қирғизистонда ўйинларнинг бўлиши биз учун ҳам яхши ҳолат.

Маҳмуд Маҳамаджонов: "Янги жамоага кўникиш осон бўлди. Энди бор эътибор термага қаратилади"