Украина клуби ёшларига айни пайтда ўзбекистонлик собиқ ҳужумчи Максим Шацких устозлик қилмоқда. Ҳамюртимиз мазкур баҳс олдидан ўз фикрларини билдириб ўтди.
- "Аякс" билан ўйинга қандай кайфиятда етиб келаяпсизлар?
- Мураббийлар штаби, барча футболчилар, барчамиз финалда «Барселона»га қарши ўйнашимиз кераклигини айтмоқда. «Аякс» билан ўйинга келсак важоҳатлироқ бўламиз, сабаби баҳс сафарда бўлади. «Динамо-машина» ўз йўлидаги барча нарсани суриб ташлаши керак, шундай бўлишига ишонаман. Аммо барчаси йигитларга боғлиқ: Агар улар бир жамоа, бир оила бўла олишса барчаси яхши бўлади, - дейди Шацких.
Эслатиб ўтамиз, УЕФА Ёшлар лигаси мусобақаси плей-офф баҳслари фақат бир ўйиндан иборат бўлади. Агар "Динамо Киев" "Аякс"ни мағлуб этса чорак финалда "Монако" - "Реал Мадрид" жуфтлиги ғолибига қарши ўйнайди.
