Испания терма жамоаси ҳимоячиси Марк Кукурелья Евро-2024 чорак финалидан ўрин олган Германияга қарши ўйинда юз берган вазият бўйича ўз фикрларини билдирди. Ўшанда рақиб берган зарба Кукурельянинг қўлига текканди, аммо ҳакамлар бу вазиятда пенальти белгиламаганди.

"Ҳакам ўша вазият бўйича ҳеч нарса демагани мени тинчлантирди. Агар экспертлар пенальти йўқ дейишса, демак, шундай.
Мен ҳакамларнинг ишига аралашмайман. Улар айтган фикрларни ҳурмат қиламан. Шубҳа бўлишини тўғри қабул қиламан, чунки ҳакамлар бундай вазиятга баъзида пенальти беришади, баъзида эса йўқ. Масалан, биз ҳам Тонининг вазияти бўйича норози бўлишимиз мумкин. Кроосни ҳам четлатиш мумкин эди" -дейди Марк Кукурелья.

Маълумот учун, ўша ўйинда Тони Кроос бир неча марта жуда қўпол ўйнади. Немис ярим ҳимоячисининг ҳаракатларидан сўнг Педри майдонни жароҳат билан тарк этганди.

"Масалан, Кроосни ҳам четлатиш мумкин эди" – Кукурелья тўп қўлига теккан вазият ҳақида