Учрашув тенг курашлар остида кечди. Ўйинда ҳар иккала жамоа футболчилари ўзларини аяб ўтиришмади. Ўйиннинг 23 дақиқасида Никита Павленко чап қанотдан тўпни шериклари томон оширди. Тўп меҳмонлар ярим ҳимоячиси Аъзамжон Алиевнинг қўлига тегиб ўз йўналишини ўзгартирди ва ҳакам иккиланмасдан пенальти белгилади.11 метрлик жарима тўпини Шаҳзод Шайманов аниқ амалга оширди 1-0.

Наманганлик футболчилар орадан беш дақиқа ўтиб ҳисобни тенглаштиришди. Ушбу вазиятда Азизбек Турғунбоев бурчак тўпини амалга оширди ва Неманя Ёванович боши билан тўпни дарвозага жойлаб қўйди 1-1. Биринчи бўлимнинг қолган вақти давомида ҳар икки жамоада ҳам ҳисобни ўзгартириш имкониятлари юзага келган бўлсада, 1:1 ҳисоби танаффусга қадар ўзгаришсиз қолди.

Иккинчи бўлимни «Газчилар» янада ҳужумкорлик билан бошлади. Учрашувнинг 59- дақисида Мубораклик муҳлислар ёқимтойи ва жамоа юрагига айланиб бораётган Зафар Тўраев ўзининг алдамчи ҳаракати ва маҳорати евазига икки ҳимоячи ва дарвозабон Асилбек Амановни ҳам алдаб бўш қолган дарвозага йўллаб ҳисобни 2-1 етказди. Голдан руҳланган «Машъал»чилар яна ҳужумкорликни кучайтирди. Сўнги дақиқаларда бир неча бор қулай вазиятлардан унумли фойдаланганларида ҳисоб янада йирик кўриниш олиши мумкин эди. Шундай бўлсада Мубораклик футболчилар ўз анъанасига содиқ қолган ҳолда ўз майдонида 2-1 ҳисобида қалабага эришди.

«Машъал»: 13 йиллик анъана давом этади