Навоийда "Қизилқум"га қарши бўлиб ўтган учрашувда Бахтиёр Саттаров шогирдлари 1:2 ҳисобида имкониятни бой бериб қўйди.

Учрашувни вакилларимиз ташаббус билан бошлади ва бунинг натижасида 12 дақиқада Сардор Абдураимовни қанотдан узатган пасини Ҳумоюн боши билан дарвозага аниқ йўллади. Бўлимда бошқа ҳисоб ўзгармади. Иккинчи бўлимда таркибни етакчилар тарк этиши ўйинга таъсирни ўтказди. Бунинг натижасида 70 дақиқада ҳакам Темур Машарипов тўпни қўли билан ўйнади деб топди ва пеналти белгилади. Бундан собиқ "машъалчи" Миржалол Қосимов унумли фойдаланди. Орадан кўп ўтмай тажрибали Элёр Акбаров жамоасининг иккинчи голига муаллифлик қилди ва ғалабани таъминлади.
Учрашувда бошқа ҳисоб ўзгармади ва ёшларимиз мавсумни мағлубият билан бошлашга мажбур бўлди.

Энди ёшларимиз навбатдаги баҳсини 10 март куни Муборакда "Металлург"га қарши ўтказади.

Ёшлар лигаси, 1-тур
Навоий. "Кимёгар" стадиони, 04.03.2015

«Қизилқум» (Навоий) – «Машъал» (Муборак) 2:1
Голлар: 0-1 Ҳумоюн Муртозаев(12), 1:1 Миржалол Қосимов (70 пен), 2:1 Элёр Акбаров (80)
Ҳакамлар: И. Гармашов (Тошкент)
Назоратчи: А. Арутюнов (Тошкент)

«Машъал»: 12.Шоҳруҳ Эшбўтаев, 17.Сардор Абдураимов, 9.Ҳумоюн Муртозаев, 22.Темур Машарипов, 10.Мақсуд Маҳмудов, 5.Шоҳжаҳон Қиличев, 7.Турсунмурод Ҳамдамов, 90.Бобур Искандаров, 18.Марадона Сафаров, 24.Муҳаммадали Алиқулов, 23.Бекзод Турсунов.
Захира: 1.Сардор Шарофов, 47.Сиявуш Ёқубов, 16.Жонибек Мирзақулов, 10.Темур Маматов, 20.Бакир Муртозаев, 70.Шоҳруҳ Достонов, 8.Ж. Ҳалимов.

"Машъал": Ёшларимиз мавсумни мағлубият билан бошлади