Ўзбекистон миллий терма жамоаси 12 август кунт Тошкент навбатдаги йиғинини бошлайди. Режага кўра, терма жамоа аъзолари 14 августгача Тошкентдаги «ЖАР» стадионида машғулот ўтказади. Ушбу йиғин давомида миллий терма жамоа ўртоқлик-назорат учрашувини ўтказиши режалаштирилган. Миллий терма жамоа бош мураббийи Миржалол Қосимов мазкур йиғинга жами 26 нафар футболчини таклиф этган.

Таъкидлаш жоиз, 14 август куни Тошкнетда ўтказилиши керак бўлган Ўзбекистон ҳамда Туркия миллий терма жамоалари ўртасидаги учрашув бекор қилинган эди. Эслатиб ўтамиз, Ўзбекистон миллий терма жамоаси 6 ҳамда 10 сентябрь кунлари ЖЧ-2014 саралаши плей-офф босқичида Иордания терма жамоасига қарши баҳс олиб боради. Терма жамоалар ўртасидаги дастлабки ўйин 6 сентябрь куни Иордания пойтахти Амман шаҳрида ўтказилса, жавоб учрашувига 10 сентябрь куни Тошкент мезбонлик қилади.

12-14 август кунлари Тошкентда ўтказиладиган йиғинга таклиф этилган футболчилар рўйхати:
Дарвозабонлар:
Александр Лобанов («Пахтакор»)
Санжар Қувватов («Машъал»)
Элдор Суюнов («Насаф»)
Асилбек Омонов («Пахтакор»)

Ҳимоячилар:
Артем Филипосян («Бунёдкор»)
Шохруҳ Гадоев («Насаф»)
Дилшод Жўраев («Бунёдкор»)
Акмал Шорахмедов («Бунёдкор»)
Ислом Иномов («Локомотив»)
Владимир Козак («Пахтакор»)
Сардор Раҳмонов («Локомотив»)
Максимилиан Фомин («Пахтакор»)
Ислом Тўхтахўжаев («Локомотив»)

Ярим ҳимоячилар:
Жасур Ҳасанов («Бунёдкор»)
Жаҳонгир Абдумўминов («Машъал»)
Шерзод Каримов («Пахтакор»)
Олег Зотеев («Бунёдкор»)
Сардор Рашидов («Бунёдкор»)
Аббос Махсталиев («Пахтакор»)
Жамшид Искандеров («Пахтакор»)
Садриддин Абдуллаев («Локомотив»)
Жасур Ҳасанов («Локомотив»)
Дилшод Жабборов («Локомотив»)

Ҳужумчилар:
Игорь Сергеев («Пахтакор»)
Отабек Исроилов («Нефтчи»)
Иван Нагаев («Локомотив»)

Миллий терма жамоа 12 август куни машғулотларга киришади