13 октябрь, якшанба куни Ўзбекистон Футбол Федерацияси Президенти Мираброр Усмонов Ўзбекистон U-17 ўсмирлар терма жамоаси билан учрашди. Таъкидлаш лозим, Дилшод Нуралиев бош мураббийлигидаги Ўзбекистон U-17 ўсмирлар терма жамоаси 17 октябрь куни БААда старт оладиган жаҳон чемпионати баҳсларида иштирок этиш учун 14 октябрь тонгда Дубайга учиб кетади.

Ўзбекистон ўсмирлар терма жамоасининг БААга учиб кетиши арафасида ЎФФ Президенти Мираброр Усмонов футболчилар билан учрашди ва жамоага оқ фотиҳа берди. Ўзбекистон Футбол Федерацияси Президентига кўра, айнан Ўзбекистон ёшлар ва ўсмирлар терма жамоалари миллат футболининг келажагидир.

Ўзбекистон U-17 ўсмирлар терма жамоаси бош мураббийи Дилшод Нуралиевнинг сўзларига кўра, терма жамоага Жаҳон чемпионати ярим финалига чиқиш вазифаси юклатилган.

Эслатиб ўтамиз, 11 октябрь куни Ўзбекистон U-17 ўсмирлар терма жамоаси бош мураббийи Дилшод Нуралиев иштирокида матбуот анжумани бўлиб ўтган ва ОАВ ҳодимлари билан учрашувда, Нуралиев терма жамоа аъзолари Жаҳон чемпионати баҳсларига футболчиларнинг ҳар томонлама тайёр эканини таъкидлаган.

Мираброр Усмонов Ўзбекистон U-17 ўсмирлар терма жамоасига омад тилади