Аслида мазкур клуб тарбияланувчиси ҳисобланган Ҳамралиев катта футболдаги дебютини "Динамо"да амалга оширган, ўтган йили эса "Олимпик" таркибида ҳаракат қилганди. Қишки трансферлар ойнасида "Пахтакор"га кўчиб ўтди. "Навбаҳор" билан кечган ўйиндан сўнг унинг таасуротлари билан қизиқдик.

"Биринчи галда мураббийлар ишонч билдириб майдонга туширганидан хурсандман. Аввалги икки ўйинда тўп тепмагандим. Шу кун ёзилган экан, нима ҳам қиладим. Буёғига берилган имкониятдан фойдаланиб ишлашда, олдинга интилишда давом этамиз. Умуман олганда орзуим ушалди, десам муболаға бўлмайди.

Кучли жамоаларга қарши масъулиятли ўйинлар шахсан менга ёқади. Майдонда ҳақиқий кураш кечди. Қолаверса, "Навбаҳор" ҳам яхши ўйин кўрсатганини айтиш жоиз. Режа бўйича тўп тепдик, мақсадимизга эришдик. Рақиб сафида кучли ҳужумчилар бор. Уларга яқинроқ ўйнашимиз кераклиги айтилганди. Бизни қўллаб-қувватлаган барчага раҳмат айтаман",- дейди Муҳаммадқодир Ҳамралиев.

"Mixed zone". Муҳаммадқодир Ҳамралиев: "Бу оқшомда "Пахтакор" сафида орзуим ушалди"