Учрашув 0:0 ҳисобида якунланди. Ўйиндан кейин термизликлар ҳужумчиси Мурод Бобожонов фикрларига қулоқ тутдик.

“Авваламбор ҳаммани янги мавсум бошлангани билан табриклайман. “Олимпик” билан баҳс жуда ҳам қизиқарли кечди. Икки жамоада ҳам гол уриш учун имкониятлар юзага келди. Аммо, мавсумнинг биринчи ўйини бўлгани боис, барибир камчиликлар кузатилди. Ўйлашимча, жорий мавсум жуда қизиқарли кечади.

Ғалаба қозонишимизга омад етишмади. Бизда гол уриш учун қулай имкониятлар пайдо бўлди. Аммо, аниқ зарбани бериш вақтида озгина совуққонлик етишмади. Албатта, бу футбол, шунақа ҳолатлари билан қизиқарли кечади. “Олимпик” билан баҳсда йўл қўйилган хатолардан тўғри хулосалар чиқарган ҳолда кейинги ўйинларга тайёргарлик кўрамиз. Ўйлайманки, ғалабали ўйинларимиз олдинда.

Испаниялик мураббийлар менда ёмон таассурот қолдиргани йўқ. Яқинда иш бошлаган бўлса-да, муҳитга жуда тез киришиб кетди. Машғулотларимиз ҳам кўтаринка кайфиятда ўтказилмоқда. Бу мураббийлар билан яхши натижалар кўрсата оламиз. Ғалабали ўйинларимиз ҳали олдинда дея оламан”.

Мурод Бобожонов: “Ғалаба қозонишимизга омад етишмади”