"Нима дейишга ҳайронман. Шокдаман. Кетма-кет учинчи ўйинда очко йўқотдик. "Насаф" билан ўйин охирида иккита гол ўтказдик, "Андижон"да вазиятлардан гол ура олмадик, бугун ҳам 90+5-дақиқада гол ўтказиб юбордик. Жамоанинг руҳий ҳолати юқори даражада эмас деб ўйлайман. "Олмалиқ" жамоаси яхши шаклланган. Уларга қарши муносиб ўйнадик, лекин натижа бизнинг фойдамизга бўлмади", - дейди Мухтор Қурбонов.

"Таркибимиздаги кўп йигитлар асосан ўртамиёна жамоаларда ўйнашган. Шу боис сўнгги дақиқаларда шогирдларим концентрацияни йўқотиб қўйишмоқда. Рақиб 10 нафар футболчи бўлиб ўйнаётганди, шунчаки тўпни ўзимизда ушлаб туриш керак эди. Буни ҳам эплай олмадик".

"Ҳимоямизда муаммо борлиги тўғри. Бу чизиққа легионер Дарко Станоевични олиб келганмиз. Қолганлар ўртамиёна ўйинчилар. Ҳимояда пала партишлик бўлмоқда. Бунинг устида иш олиб бораяпмиз".

"Жамоада ҳеч қандай муаммо йўқ. Ички муҳит яхши. Молиявий ҳолат ҳам жойида, ҳомийларимиз доим бизга эътибор қаратаяпмиз".

"Асрор Алиқуловда кичик жароҳат бор. У яқинда даволанди. Унинг тажрибасига таянамиз, фақат тўла тузалиб олишини кутамиз".

Шаҳбоз Беғамов ёзиб олди.

Мухтор Қурбонов: "Шокдаман"