Турнир жадвалига разм солинса, “Пахтакор” ва “Бухоро” етакчилигини кўриш мумкин. Бироқ бўлиниш ҳолатига кўра ундай эмас. Чунки мазкур икки клуб марказий ўйинларда нисбатан камроқ очко ишлаган.

Рўзиқул Бердиев бошчилик қилаётган “Насаф”ни мағлуб этиши мумкин бўлган жамоа на кучлилар ва на кучсизлар орасидан топилди. Намангандаги дурангни айтмаса, қаршилик футболчиларнинг иши жойида.

“Навбаҳор” эса Тошкентнинг уч клуби билан бир мартадан ўйнаб улгурди. Ўз майдонида зафар қучди, сафарда имкониятни бой берди. Шунингдек, “Бунёдкор” кетма-кет икки марказий ўйинда енгилди. Натижада чемпионлик учун кураш жадвали қуйидаги кўринишга келди.

Чемпионлик йўлида

Насаф 3 2 1 0 5:2 7

Навбаҳор 4 2 1 1 4:2 7

Бунёдкор 4 2 0 2 6:5 6

Бухоро 3 1 0 2 3:6 3

Пахтакор 3 1 0 2 1:2 3

Локомотив 3 1 0 2 3:5 3

Про-Лигага сургун бўлмаслик учун кураш асосан Жиззах ва Фарғона клублари ўртасида кечаётганига гувоҳ бўлиш мумкин. Мазкур зонада АГМК анча пастда жойлашган бўлса-да, потенциал жиҳатдан Кумиков шогирдларида имконият кўпроқ. Чунки улар юқоридаги олти клубнинг барчаси билан ўйнаб улгурди. Демак, очко йиғиш даври олмалиқликларда энди бошланиши ҳам мумкин.

Жон сақлаш йўлида

Металлург 3 2 1 0 3:0 7

Қизилқум 3 2 0 1 4:3 6

Қўқон-1912 4 1 2 1 3:2 5

АГМК 2 1 1 0 3:1 4

Нефтчи 4 0 2 2 1:4 2

Сўғдиёна 4 0 2 2 2:6 2

“Насаф” ва “Навбаҳор” Суперлига етакчиларига айланди. “Пахтакор” ва “Локомотив”да ўсиш бошланди