Учрашувни қай суъратда ўтганини ёритишдан аввал, “лочинлар” сафидаги ўзгаришларга тўхталиб ўтсак. Жамоага “Шўртан”дан дарвозабон Павел Леус ҳамда биринчи даврани “Қизилқум”да ўтказган ҳимоячи Тимур Яфаровлар таркибга қўшилишди. Мураббийлар андижонликларга қарши баҳсда ушбу футболчиларни синовдан ўтказиб кўришди.

“Водий дербиси”да кучлар тенг келди. Мезбонлар сафида Асқар Жадигеров жарима тўпидан унумли фойдаланиб, учрашувда ҳисобни очган бўлса, “Навбаҳор” номидан Аюбхон Гаппаров Акрам Бахриддиновнинг узатган тўпидан сўнг жавоб қайтариб, ҳисобни тенглади. Биринчи бўлимда “Навбаҳор” мураббийлар иккинчи таркибни майдонга туширишди. Баҳснинг иккинчи ярмида эса асосий таркиб ҳаракат қилди. Павел Леус ҳамда Аюбхон Гаппаровлар эса учрашувда тўлиқ 90 дақиқа тшп суришди.

Ўйинда “Андижон” қуйидаги таркибда ўйнади: Юрий Цой (Сергей Смородин, Акмал Турсунбоев), Афзал Азизов (Раҳим Қодиров), Икром Ибрагимов (Дилмурод Маҳмудов), Даврон Турсунов (Азиз Қаюмов), Асрор Раҳмонов (Фурқат Ҳасанбоев), Алишер Тўхтасинов (Сардор Соибов), Баҳром Абдураҳимов (Тоҳир Маҳмудов), Бекзод Ғозиев, Асқар Жадигеров (Акмал Жўрабоев), Расул Раҳмонов (Анвар Абдуқодиров), Дмитрий Краев (Лочин Солиев)

“Навбаҳор” таркиби эса қуйидагича кўриниш олди: Павел Леус, Ботир Тўрабоев, Қаҳрамон Маҳаммаджонов, Тимур Яфаров, Дурбек Умаралиев, Муҳаммад Расулов, Собир Ҳамидов, Акрам Бахриддинов, Абдулазиз Султонов, Аюбхон Гаппаров, Оятилло Мухиддинов.

Захирадан майдонга тушганлар: Рустам Аъзамов, Тимур Султонов, Жаҳонгир Меҳмонов, Илҳом Бойдедаев, Аҳрол Рисқуллаев, Леонид Кошелев, Ғайрат Жўраев, Азим Аҳмедов, Рўзим Аҳмедов.

"Навбаҳор": “Андижон” билан кучлар тенг келди