Жорий йилдаги илк машғулот бугун Тўрақўрғондаги “Одил Жуниор” футбол академиясининг сунъий қопламали майдонида ўтказилди. Уни россиялик мутахассис Андрей Канчельскис бошчилигидаги мураббийлар штаби олиб борди. Машғулотда жамоа аъзолари билан биргаликда кўрикдан ўтаётган маҳаллий ҳамда хорижлик ўйинчилар иштирок этишди.
"Навбаҳор"нинг йиғинига россиялик ўйинчилар – Артём Шербак, Алексей Курилов ва Станислав Ефимов, хорватиялик Вилим Посинкович, камерунлик Мбасси Эммануэл Рикардо каби янги легионерлар қўшилишди. Улар жамоа билан бирга машғулотда иштирок этишди.
Бугун "лочинлар" сафига яна бир хорижлик футболчи қўшилди. Бу нидерландиялик Нельсон Грегори Жаррелд Мартлалес бўлиб, у 1988 йил, 31 январда туғилган, амплуаси – ҳужумчи. Нельсон футболчилик фаолияти давомида Голландиянинг “АЗ” (Алкмар), “Розендал” (Розендал), Болгариянинг ЦСКА (София), “Ботев” (Пловдив), Украинанинг “Металлург” (Донецк) ва Ҳиндистоннинг “Ченнайин” (Ченнан) клубларида ўйнаган. Нидерландиялик ҳужумчи “лочинлар”нинг бугундан бошланган ўқув-машғулот йиғинига эртага қўшилади.
Шунингдек, эртага яна бир қатор легионерларнинг Наманганга ташрифлари кутилмоқда.
Вилим Посинкович
Нельсон Грегори Жаррелд Мартлалес
Бугунги машғулотлардан олинган видеолавҳани томоша қилинг.
Изоҳлар