Қуйида мазкур баҳсларга оид қизиқарли фактлар билан бўлишамиз.

— "Нефтчи" "Бунёдкор"ни сафарда 2015 йил мағлуб этишга эришган. Бу фарғоналикларнинг "Бунёдкор" майдонида қўлга киритган ҳозигача бўлган ягона ва охирги ғалабаси бўлиб турганди. Клуб ўз тарихида иккинчи бор меҳмонда "қалдирғочлар" устидан зафар қучди.

— Умумий ўзаро ўйинларга кўра, "Нефтчи" охирги маротаба 2016 йил уйда пойтахт клубини таслим қилганди. Кейинги 8та учрашувнинг барчасида "Бунёдкор" уч очкога эга чиққан. Демак 8та ўйинлик қора анъана тугади.

— Виталий Левченко шогирдлари жорий йил илк бор кетма-кет иккита ўйинда ғалаба қозонди.

— Мазкур учрашувдан сўнг "Бунёдкор" бош мураббийи Виктор Карпенко истеъфога чиқарилди. Унинг ўрнига тайинланган Иван Бошкович бу мавсум ҳисобидан учинчи мураббий бўлди. Бундай ҳолат яқин йилларда юз бермаган эди.

— "Қўқон-1912" бу мавсумда кетма-кет 7та учрашувда дуранг натижа қайд этди. Жамоа сўнгги бор 8-турда меҳмонда "Локомотив" устидан ғалабани тантана қилганди.

— АГМК қаторасига учинчи йил "Қўқон-1912"ни меҳмонда мағлуб этишни уддасидан чиқа олмаяпти.

— Ўзаро ўйинлардаги устунлик ҳамон олмалиқликлар томонида қолмоқда, 10та ғалаба.

— "Металлург"га 11 йилдан бери Тошкентда "Пахтакор"дан очко олиш насиб қилаётгани йўқ. Тошкентда Суперлига доирасида ўзаро 26 маротаба тўқнаш келишди. Мазкур учрашувларда мутлоқ устунлик "шерлар" томонида. Улар ўтказилган 26 баҳсдан 24тасида ғалаба қозонишганини айтиш жоиз. 2та беллашувда томонлар муроса кўчасини танлашганди. Бекободликлар охирги маротаба пойтахтда 2011 йилги мавсумда очко ишлашни уддасидан чиққан эди.

— Забиҳилло Ўринбоев ушбу мавсумда ўз голлари ҳисобини очди. "Металлург"даги биринчи голини урди. Бунинг учун унга 18та учрашув керак бўлди. Шунингдек, 2021 йил октябрь ойидан бери биринчи маротаба рақиб дарвозасини ишғол қилди.

— "Пахтакор"нинг польшалик ҳужумчисидан ажойиб статистика. 6та ўйин, 3та гол ва 3та голли узатма.

— "Навбаҳор" 2006 йилдан бери Жиззахдан ғалабасиз қайтмоқда. Жамоалар шу куни "Сўғдиёна" марказий стадионида 27-маротаба тўқнаш келишди. Катта устунлик майдон эгаларида қолди, 19та ғалаба. Наманган жамоаси 5 маротаба уч очко билан ортга қайтган. "Навбаҳор" Суперлига доирасида охирги маротаба Жиззахда 2006 йилги мавсумнинг 14-турида зафар қучганди.

— Наманганликларнинг Суперлигадаги голли серияси якунланди. Жамоа сўнгги маротаба 12-турда "Металлург" дарвозасига йўл топа олмаганди.

— 0:0 ҳисоби билан тугаган ўйинлар бу мавсумда "Сўғдиёна"да 2тани, "Навбаҳор"да 4тани ташкил қилмоқда.

"Навбаҳор"нинг Жиззахдаги ғалабасиз серияси давом этади. "Нефтчи"да кетма-кет иккинчи ғалаба —Суперлиганинг 18-турига оид қизиқарли фактлар