Учрашув тенг курашлар остида бошланган бўлсада, "лочинлар" рақибига нисбатан бироз кучлироқ ўйин кўрсатди. Дастлабки бўлимнинг ўрталарида Раҳматулло Бердимуродов ҳисобни очди. Бердимуродов ўз услубида жарима тўпидан гол киритди, 1:0.

Иккинчи бўлимда Бахтиёр Ашурматов таркибда қатор ўзгаришларни амалга оширди. Бунинг натижаси ўлароқ "лочинлар" жиззахликлар дарвозасига яна бир тўп киритди. Учрашувнинг 56-дақиқасида Мўйиддин Мамазулумов ҳисобни 2:0 кўринишига келтирди.

Иккинчи бўлим ўрталарига келиб Даврон Файзиев шогирдлари ҳисобни қисқартиришга муваффақ бўлди, 2:1. Мазкур ҳисоб ўйин охиригача ўзгармай қолди.

Ушбу учрашувдан сўнг футболчиларга таътил берилди. Машғулотлар 3 февралдан яна Тошкентда давом эттирилади.

"Навбаҳор"-"Сўғдиёна" 2:1
Гол: Бердимуродов 25, Мамазулумов 56
"Навбаҳор": Д.Усмонов, Б.Акбаров, Ю.Рижко, Р.Бердимуродов, А.Саматов, Р.Ҳасанов, И.Бойдедаев, Д.Жабборов, А.Лепосавич, Ш.Эркинов, М.Мамазулунов.
Захирадан тушганлар: М.Расулов, А.Маҳмудов, О.Валижонов, О.Ҳалилов, А.Алиев, Ғ.Жўраев, Б.Тўрабоев, А.Турғунбоев.
“Сўғдиёна”: М.Наумов, В.Магеррамов, Э.Орипов, А.Бегимқулов, И.Комилов, М.Муродов, С.Рашидов, С.Қобилов, Л.Сафоев, О.Дражжук, И.Тошпўлатов.

Назорат учрашуви. "Навбаҳор" - "Сўғдиёна" 2:1