Ўзбекистон президентининг 2011 йил 15 ноябрдаги “2012-2015 йилларда Фарғона шаҳрининг бош режасини амалга ошириш, ижтимоий ва транспорт-коммунал инфратузилмаси объектларини қуриш ва реконструкция қилиш чора-тадбирлари тўғрисида”ги қарорига мувофиқ Фарғона шаҳрида улкан бунёдкорлик ишлари амалга оширилмоқда.

Ўзбекистонда спортни, хусусан, болалар спортини ривожлантиришга қаратилаётган алоҳида эътибор, айниқса, футболнинг моддий-техник базасини янада мустаҳкамлаш доирасидаги ишларнинг изчил давоми сифатида янгидан бунёд этилган 20 минг ўринли стадион ўзининг ноёб меъморий-муҳандислик ечими, бетакрор дизайни билан шаҳар кўркига кўрк қўшди.

Маълумки, Ўзбекистон Футбол Федерацияси мамлакатда футболни янада оммалаштириш, юртимизнинг барча ҳудудларида футбол ихлосмандлари катта футбол учрашувларидан бахраманд бўлишларини таъминлаш йўлида иш олиб бормоқда. Ушбу сиёсатни амалга ошиширишдаги яна бир қадам сифатида Янги Зеландия U-20га қарши дастлабки учрашув Фарғона шаҳрида “Истиқлол” стадионида ўтказишга қарор қилинганди ва ўйин 3 апрель куни 20 минг ўринли стадион тўлиб тошганди сабаби эса оддий яьни стадион шу куни дастлабки учрашувни қабул қилганди, чипталар хам жуда хамёнбоп 7000сўмлик хамда 10.000 сўмлик билетлар стадион кассаларида сотилганди

Лекин, танганинг дойим нариги тарафи бўлганидек “Нефтчи” - “Машъал” баҳси 18 апрель, шанба куни муҳташам “Истиқлол” стадионида бўлиб ўтади, 16 апрель куни сотувга чиққан чипталар нархини эшитиб кўп сонлик мухлислар ёқасини тишлаган бўлса ажаб эмас чипта нарлари 10000 ва 15000 сўм қилиб белгиланганди Ўйиннинг бошланиш вақти соат 17:00га қўйилди.

Хозирги кунда Олий лига клублари 6-тур доирасидан ўрин олган "Нефтчи" - "Сўғдиёна" учрашуви 25 апрель (шанба) 17.00 да бошланаши кўзда тутилган учрашувга чипта нарлари 10000 ва 15000 сўм қилиб белгиланганди.

Кўп сонлик мухлислар айниқса чекка туман ва шахарлардан “яхшигига” йўл кира хаққи сарфлаб келаётган мухлислар номидан хашаматли “Истиқлол” стадиони Илҳомжон Сабидовдан кейинги суюклик жамоамиз “Нефтчи” иштирокидаги учрашувларга чипталар нархларини иложи борича минималаштиришларини сўраб қоламиз.

"Нефтчи" мухлислари чипта нархидан арз қиляптилар