Кечки машғулотимизда Австриянинг учинчи дивизиони вакили “Пашинг” жамоаси дарвозабонлари ўзларининг замонавий тўп отиш машиналари билан “Нефтчи” дарвозабонларини синаб кўришди. Маълумот учун “Пашинг” Австриянинг “Ред Булл” жамоасининг фарм клуби саналади.

Навбатдаги рақиб - “Динамо”

Жамоамизнинг режасига яна ўзгартириш киритилди. Вакилларимиз эртага йиғиндаги иккинчи назорат учрашувини ўтказишади. Навбатдаги рақибимиз Санкт-Петербургнинг “Динамо” жамоасидир. Учрашув маҳаллий вақт билан соат 17:30 (Тошкент вақти билан 20:30)да бошланади.

Айтганча, режага кўра, эртага жамоамиз Македониянинг “Шкенция” клубига қарши ўйнаши лозим эди. Аммо македонияликлар рад жавобини беришди. Шунингдек, олдиндан режалаштирилган Жанубий Кореянинг “Кангвонг” жамоасига қарши ўйин ҳам ўтказилмайди.

Маълумот ўрнида шуни айтиш жоизки, 24 февраль куни Латвиянинг “Вентспилс”, 28 февраль куни эса Қозоғистоннинг “Спартак” клубларига қарши назорат учрашуви ўтказилиш режалаштирилган.

Бизнинг маълумот:
Тўлиқ номи: «Динамо СПб» Санкт-Петербург
Ташкил топган йили: 1922 йил
Клуб президенти : Леонид Цапу
Бош мураббийи: Павел Гусев
Жамоа сардори: Александр Самохвалов

Россия биринчи дивизионида иштирок этади. Биринчи даврадан кейин питерликлар 17 ўринда бормоқдалар. “Динамо СПБ” 24 учрашувдан кейин 22 очкога эга.

"Нефтчи": Туркия кундалиги (олтинчи кун)