Ўйин ҳақида
- Биринчи бўлимда тенг курашлар остида ўтган ўйин гувоҳига айландик. Бироқ, иккинчи бўлимда ҳимоя чизиғимиз хатоларга йўл қўйди. Якунда бугунги учрашувни бой бердик. Мухлислардан узр сўрайман.
- “Арал” жамоаси мағлубиятлар гирдобига тушиб қолаётганига сабаб нимада?
- Жароҳатлар кўп учраяпти. Бугун ҳам икки нафар асосий таркиб футболчимиз ўйнай олмади.
- Жамоада жароҳатлар кўплиги сунъий майдондаги ўйинлар туфайлими?
- Бу ҳақида бир нарса дейиш қийин. Сунъий майдон десангиз, ҳозир табиий майдонда ҳам ўйнаяпмиз.
- “Хоразм” ва “Арал” ўртасидаги ўйинлар ҳар доим шиддатли кечган. Бироқ, бугун жамоангиз кўп жиҳатларда ўйинни бой берди. Бунинг сабаби нимада?
- Тўғри айтдингиз, бугун рақибга бой берган жиҳатларимиз бўлди. Масалан яккакурашларда кўпроқ мезбон футболчилар устун келишди. Танаффусда шу ҳақида айтдик, бироқ иккинчи бўлимда ҳам ҳеч нарса ўзгармади.
- Сизнингча, қачон воҳада Неъматилло Қуттибоев каби ҳужумчиларни кўрамиз?
- Ҳозир 2008 йилда туғилган футболчилар орасида терма жамоада ўйнаётган ёш футболчилар бор. Балки шулардан чиқар деб умид қиламиз.
Изоҳлар