Жамоа ўтказилган 8та ўйинда атига 1 очко ишлади холос. Айтишларича бунга юзага келган молиявий муаммо сабаб бўлган. Шу боис яқинда "Орол"нинг биринчи лигадаги иштирокини тўхтатиши хусусида гаплар тарқай бошлади. Вазиятга ойдинлик киритиш мақсадида, бош мураббий Неъматулло Қутибоев билан аълоқага чиқдик.

- Оролнинг эртаси ҳақида ҳозир сизга ҳеч нима дея олмайман. Шу боис жамоамизнинг иштироки яна давом этадими йўқми, бу ҳақда ҳам тайинли гап айтишим қийин, - дейди Қутибоев. Тўғри, иккинчи босқичнинг дастлабки қисмида қайд эттган натижамиз, мақтагулик даражада бўлмади. Лекин биласизми, иккинчи босқичга тайёргарлик ҳам яхши ўтмаганди. Футболчиларнинг жисмоний холати, битта бўлимда ўйнашгагина етарди. Шу боис кўплаб қимматли очколарни бой бердик.

- Жамоангизнинг водийга, аниқроғи, "Андижон" билан "Қўқон-1912"га қарши кечган баҳсига катта қийинчилик билан етиб борганидан хабаримиз бор. "Орол" энди яна икки турни водийнинг бошқа жамоаларига қарши ўтказади. Шундай экан Наманганга бориш имкониятинглар қандай?
- Айтдим-ку, ҳозир ҳеч нима дея олмайман. Эртага қанақа шароит бўлишини очиғи билмаймиз.... Ҳаммасини вақт кўрсатади.

Асилбек Мамарасулов суҳбатлашди.

Неъматулло Қутибоев: "Орол"нинг эртаси ҳақида ҳеч нима дея олмайман"