"Ливерпуль" ушбу мавсум АПЛ турнир жадвалида пешқадам бўлиб турибди — жамоа 33 та ўйиндан сўнг 79 очко тўплаган.

"У ажойиб меҳнат қилди. Мавсум бошида хатто "Ливерпуль" мухлисларининг кўпчилиги жамоа АПЛни ютади, деб ўйламаган.
Мен "Ливерпуль" АПЛни ютади деб айтган бирорта мутахассис, таҳлилчи, журналист ёки мухлисни эслай олмайман. Ҳамма "Манчестер Сити" ёки "Арсенал" ҳақида гапирарди.
Шунинг учун "Ливерпуль" ўзига хос ишни амалга оширди дея оламан. Бу мавсумда Арне Слотнинг мураббийлик фаолияти — биз кўрган энг яхши ишлардан бири.
Ва мен бу гапларни кимнинг ўрнида ишлаётганини ҳисобга олган ҳолда айтаяпман. У АПЛдаги энг буюк шахслардан бири, "Ливерпуль"нинг рамзи ва афсонаси бўлган Юрген Клоппнинг ўрнига келди.
Жамоага келиб, кийим алмаштириш хонасида ўз назоратини ўрнатиш ва обрў қозониш шундоқ ҳам осон иш эмас. Ҳа, балки у Юрген Клопп каби бўла олмагандир. Менимча шахсият, характер борасида Клоппга ўхшаши йўқ.
Слот бутун мавсум давомида шартномалар ҳақидаги суҳбатлардан яхши ўтди. Кейин эса улар жамоанинг энг муҳим икки футболчиси – Муҳаммад Салоҳ ва Виржил ван Дейк билан шартномани узайтирди.
Слот вазият улар истагандек кечмаётган пайтларда ҳам хотиржамлик ва жиддийликни сақлади", – деди "Манчестер Юнайтед"нинг собиқ футболчиси Гари Невилл.

Невилл Слот ҳақида: "У зўр ишлади. Мавсум олдидан кимдир "Ливерпуль"ни чемпион бўлади демаганди"