"Liverpul" ushbu mavsum APL turnir jadvalida peshqadam bo'lib turibdi - jamoa 33 ta o'yindan so'ng 79 ochko to'plagan.

"U ajoyib mehnat qildi. Mavsum boshida xatto "Liverpul" muxlislarining ko'pchiligi jamoa APLni yutadi, deb o'ylamagan.
Men "Liverpul" APLni yutadi deb aytgan birorta mutaxassis, tahlilchi, jurnalist yoki muxlisni eslay olmayman. Hamma "Manchester Siti" yoki "Arsenal" haqida gapirardi.
Shuning uchun "Liverpul" o'ziga xos ishni amalga oshirdi deya olaman. Bu mavsumda Arne Slotning murabbiylik faoliyati - biz ko'rgan eng yaxshi ishlardan biri.
Va men bu gaplarni kimning o'rnida ishlayotganini hisobga olgan holda aytayapman. U APLdagi eng buyuk shaxslardan biri, "Liverpul"ning ramzi va afsonasi bo'lgan Yurgen Kloppning o'rniga keldi.
Jamoaga kelib, kiyim almashtirish xonasida o'z nazoratini o'rnatish va obro' qozonish shundoq ham oson ish emas. Ha, balki u Yurgen Klopp kabi bo'la olmagandir. Menimcha shaxsiyat, xarakter borasida Kloppga o'xshashi yo'q.
Slot butun mavsum davomida shartnomalar haqidagi suhbatlardan yaxshi o'tdi. Keyin esa ular jamoaning eng muhim ikki futbolchisi – Muhammad Saloh va Virjil van Deyk bilan shartnomani uzaytirdi.
Slot vaziyat ular istagandek kechmayotgan paytlarda ham xotirjamlik va jiddiylikni saqladi", – dedi "Manchester Yunayted"ning sobiq futbolchisi Gari Nevill.

Nevill Slot haqida: "U zo'r ishladi. Mavsum oldidan kimdir "Liverpul"ni chempion bo'ladi demagandi"