Алишер Никимбаев: "Эрматов масъулияти ва қийинчиликларини тасаввур қиляпман"

Ушбу фикрлар сайтимизда эълон қилингандан сўнг, мазкур хабар остида "R. Marquez II" никли мухлисимиз Никимбаевга қуйидагича савол йўллаган:

"Алишер ака. Агар сиз фикрларни ўқисангиз (сиз уларни ўқийсиз), айтинчи, нега Ўзбекистон куз-баҳор тизимига ўтмайди. ОЧЛдаги барча рақибларимиз қишда ўйнашадику. Биз ҳам ғарб минтақасида ўйнаймиз".

Алишер Никимбаев ушбу фойдаланувчимизга шундай жавоб қайтарган:

"Бунга ЎФА ёки ПФЛ номидан жавоб бера олмайман, чунки саккиз йилдан бери Ўзбекистон футболи тизимида ишламайман, шу сабабли шахсий фикримни билдираман. Ўзбекистонга куз-баҳор тизимига ўтишдан фойда йўқ, чунки бизнинг иқлим шароитимиз Яқин Шарқникидан фарқ қилади. Бизда қиш фаслида футбол ўйнаб бўлмайди. Бироқ Яқин Шарқда айнан шу ойларда футбол ўйнаш учун жуда яхши об-ҳаво бўлади. Ва аксинча, биз июнь ва август ойларида футбол учрашувларини ўтказа оламиз, Яқин Шарқда эса ҳаво ҳарорати юқорилиги туфайли бунинг иложи йўқ.

Яна бир нарса. Тез орада ОФК Чемпионлар лигаси ҳам куз-баҳор тизимида ўтказилиши мумкин. Ўшанда Ўзбекистон клубларида устунлик бўлади, чунки турнир бошланаётганда жамоаларимиз яхши формага кириб олган бўлади".

Никимбаев Championat.asia сайтининг мухлисига жавоб берди