- Ўйин ҳақида
- Ўйин худди кутганимиздек кечди. Биринчи таймда бир нечта вазиятлардан фойдалана олмадик. Шу билан бирга, рақибларда ҳам яхши имкониятлар юзага келди. Биринчи таймда гол уриб олганимиз фойдага ишлади, бу иккинчи таймда эркинроқ ўйнашимизга туртки берди. Рақиб кучли эди, охиригача кураш олиб борди.
- Александар Станисавлевич икки турдан буён гол урмоқда. Унинг ўйинига қанақа баҳо берасиз?
- Станисавлевич – ҳужумдаги энг муҳим футболчиларимиздан бири. Ўйлайманки, Паул Комолафе ҳам у каби яхши ўйнаб кетади.
- Шерали Жўраев иккинчи ёшлигини ўтказмоқда. Уни қандай қилиб руҳлантиряпсиз?
- Жўраев яхши савиядаги футболчи. У ушбу мавсумда етакчи футболчиларимиздан бири бўлиши кўзда тутилган. Ундан янада кўпроғини кутамиз.
- Бош директор (Ҳамиджон Актамов – таҳр.) ҳам мураббийлар штабида кўриниш бермоқда. У сизга кўмак беряптими?
- Албатта, бош директор бизга ҳамиша ёрдам беради. Унга раҳмат айтишимиз керак. Биз ҳаммамиз бир оиламиз.
Изоҳлар