Жамоа Про лига 28-турида "Хоразм" клуби билан 2:2 ҳисобида дуранг қайд этди. "Турон" эса "Андижон"дан устун келди (4:0). Икки жамоа очколари тенглашган бўлса-да, ўзаро ўйинларга кўра, бухороликлар Суперлига йўлланмасига эришишди. "Хоразм" билан баҳсдан кейин "Бухоро" посбони Никола Стошич фикрлари билан ўртоқлашди.

"Хоразм"да ўйнаш қийин бўлди. Майдон ҳолати ўйинга ҳам ўз таъсирини ўтказди. Лекин шунга қарамай, жамоамиз ғалаба учун майдонга чиққанди. Ўзимиз истаганчалик ўйнай олмаган бўлсак-да, вазифа учун керакли натижани қайд эта олдик.

Оғир мавсум ўтказдик. Бирорта оддий баҳс бўлгани йўқ. Биринчи даврадан кейин "Турон"дан 10 очко ортда эдик. Жамоамизнинг мақсади эса унга етиб олиш ва Суперлигага чиқиш ҳисобланарди. Ўйлаган режаларимиз амалга ошди ва ҳаммаси сўнгги турда ҳал бўлди. Асосийси, жамоамиз билан ҳамжиҳатлик ва бирдамликда кўзланган мақсад сари интилдик ва бунга ҳақли равишда эришдик. Бир сўз билан айтганда, "Бухоро" жамоаси мухлисларини ушбу муваффақият билан табриклайман.

Жамоадаги келажагимни билмайман. Ушбу жамоада ўйнашдан мамнунман ва фаолиятимни шу ерда давом эттиришни истайман, бироқ бу менга боғлиқ эмас. Келажагим борасида раҳбарият билан гаплашган маъқул", – деб сўзини якунлади Стошич.

Никола Стошич: "Суперлигага ҳақли равишда йўлланма олдик"